Куба се соочува со една од најтешките енергетски кризи во својата модерна историја, откако синоќа по седми пат во изминатата година и половина дојде до „целосен колапс“ на националната мрежа. Речиси 10 милиони жители на островот останаа во мрак по дефектот во термоцентралата „Нуевитас“, кој предизвика домино ефект низ целата земја.
Иако властите во Хавана соопштија дека започнал бавен процес на враќање на напонот во делови од главниот град, ситуацијата останува критична.
„Енергетскиот сектор се потпира на осум застарени термоцентрали стари преку 40 години кои постојано се расипуваат. Официјална Хавана директно го обвинува Вашингтон дека со нафтеното ембарго свесно го гуши островот и оневозможува одржување на инфраструктурата“, пренесуваат светските агенции.
Кризата дополнително се продлабочува бидејќи и главниот снабдувач, Венецуела, ги прекина испораките на нафта.