Германија воведува строги мерки за контрола на цените на горивата, со што сака да го реши проблемот на неоправданите скокови на цени на бензинските пумпи. Новиот пакет мерки, кој министерката за економија Катерина Рајхе го најави, треба да стапи во сила до почетокот на април. Нацрт-законот моментов се договара во рамките на владата и треба да биде доставен до Бундестагот оваа недела, со очекување брза парламентарна процедура.
Клучната иновација е ограничување на динамиката на зголемување на цените – операторите ќе можат да ја зголемуваат цената на горивото само еднаш дневно, напладне. Оваа мерка директно е насочена кон спречување на честите и ненадејни скокови на цени во текот на денот, кои возачите досега го чувствуваа скоро на секој час. Практиката стана особено видлива по избувнувањето на конфликтот во Иран, кога цените станаа исклучително нестабилни и често без јасна економска оправданост.
Паралелно, германската власт значително го зајакнува надзорот на пазарот на горива. Канцеларијата за борба против картелите добива проширени овластувања за следење и реакција веќе во фазата на големопродажба. Ова овозможува регулаторот порано да открие сомнителни зголемувања на цините и, доколку ги смета за неоправдани, да преземе мерки. Истовремено, пумпите задржуваат целосна слобода при намалување на цините, што треба да поттикне конкуренција и поповолни понуди. Комбинацијата од ограничувања и посилен институционален надзор треба да придонесе за стабилизирање на пазарот, иако критичарите предупредуваат дека прекумерната регулација би можела негативно да влијае на бизнисот на дистрибутерите.
Македонија исто така се соочува со нестабилност на цените на горивата, а овој германски пример покажува како развиена економија се обидува да ги заштити своите граѓани преку комбинирана политика на регулација и надзор.