Светот е во состојба на шок по последната изјава на американскиот секретар за одбрана, Пит Хегсет, кој најави дека за денеска е планиран досега најголемиот напад врз главниот град на Иран, Техеран. Оваа драматична потврда доаѓа по серијата закани и провокации меѓу двете нуклеарни сили.
Хегсет нагласи дека американската администрација е подготвена да дејствува одлучно, посочувајќи дека претседателот Доналд Трамп има целосна контрола врз ситуацијата.
„Сите карти се кај Трамп“
Секретарот за одбрана со голема доза на самодоверба зборуваше за воената подготвеност на САД и стратешката предност која ја поседуваат во овој момент.
„Трамп ги држи сите карти во свои раце. За денес е планиран најголемиот напад врз Техеран досега“, изјави Пит Хегсет, со што директно ја најави воената операција.
Максимална ескалација
Најавата за директен напад врз Техеран претставува преседан во поновата историја на американско-иранските односи и може да го вовлече целиот регион во тотална војна. Иако претходно се шпекулираше за таргетирање на нуклеарни постројки или воени бази, споменувањето на главниот град сугерира напад врз командните центри и клучните институции на режимот.
Глобалните берзи веќе почнаа да реагираат со паника на оваа вест, а дипломатите од целиот свет прават последни обиди да се спречи сценариото кое би можело да има невидени последици по светскиот мир.