Во Собранието денеска ќе се одржи едукативната активност „Имам став“, наменета за ученици од средните училишта.
Како што информираат од собраниската прес-служба, на активноста ќе учествуваат ученици од СОУ „Јосип Броз Тито“ од Битола.
Станува збор за едукативна симулација на постапката за разгледување предлог-закон во рамки на Собранието, преку која учениците имаат можност практично да се запознаат со начинот на функционирање на законодавниот дом.
Целта на оваа активност е младите поблиску да ја запознаат работата на Собранието и процесот на донесување закони, како и да се поттикне развојот на нивната демократска свест, критичко размислување и општествена ангажираност.