Денешното рочиште за случајот „Онкологија“ донесе шокантни детали за начинот на кој се воделе пациентите на скопската Клиника. Вештото лице Милан Ристевски сведочеше дека во периодот од 2018 до 2022 година, од вкупно 536 пациенти со рак на бели дробови, за дури 50 лица воопшто не биле пронајдени медицински досиеја.
Ристевски посочи на сериозни отстапувања во препишувањето на терапиите, особено кај лекот „бевацизумаб“ кај 12 пациенти. Според него, документацијата на одделот на обвинетиот д-р Нино Васев била „сиромашна со информации“, што тој го припиша на огромниот притисок и прегледувањето на по 50 пациенти дневно, но нагласи дека тоа не смее да биде оправдување за медицински неправилности.