Светот со нетрпение го очекува првото јавно појавување на новиот ирански врховен лидер, Моџтаба Хамнеи, додека шпекулациите за неговата здравствена состојба се засилуваат. Според разузнавачки извори на Израел, објавени од „Скај њуз“, се верува дека Хамнеи е полесно ранет за време на неодамнешните американско-израелски воздушни напади.
Тој не се појави во јавноста цели три дена откако беше именуван за наследник на неговиот татко, ајатолахот Али Хамнеи. Додека израелските функционери се убедени дека неговото отсуство се должи на повреди здобиени уште првиот ден од нападите, Техеран експресно ги демантира овие наводи.