Екипите на јавните служби попладнево ги товараат преостанатите метални делови од семафорот кој беше срушен на булеварот „Александар Македонски“. Иако патот полека се ослободува, сообраќајот сè уште се одвива исклучително отежнато, а редиците возила се протегаат со километри пред влезот на главниот град.
Како што претходно објавивме, МВР потврди дека инцидентот се случил околу 13:00 часот кога камион со скопски регистарски ознаки удрил во семафорската конструкција. Во несреќата е повреден еден пешак, кој веднаш е пренесен во болница. Полицијата апелира до возачите за трпение додека целосно не се исчисти коловозот.
