На 07.03.2026 во 14:30 часот во селото Батинци, општина Студеничани, полициски службеници од СВР Скопје го лишиле од слобода С.Д. (40) од истото село, постапувајќи по претходна пријава од негов 32-годишен роднина.
Според пријавата, околу 12:45 часот во Батинци, таткото на С.Д. се однесувал агресивно кон пријавителот и му упатувал закани со дрвен предмет. Потоа С.Д. му се заканил дека ќе употреби огнено оружје доколку го пријави неговиот татко.
По преземени мерки, полициските службеници излегле на местото на настанот, при што под облеката на малолетниот син на С.Д. биле пронајдени и одземени два пиштола и куршуми од различен калибар.
По целосно документирање на случајот ќе биде поднесена соодветна пријава.