Српската пејачка Зорица Марковиќ секогаш била позната како жена без влакна на јазикот. Во една прилика за српските медиуми, таа откри како реагирала кога дознала дека сопругот ја изневерува.
„Имав некоја промоција и постојано чувствував некаков немир во себе, како да знаев… па побрзав дома, а таму имав што да видам. Мојот сопруг беше со жена во кревет. Јас почнав да викам, ја прашав како не ти е срам, детето ми спие во куќата, а таа ладнокрвно се сврте и ми рече: ‘Мене тоа не ми пречи, нека спие’“, раскажува Зорица.
Таа додава дека по овој одговор изреагирала импулсивно и ја земала љубовницата на сопругот, фрлајќи ја во реката Сава. „Не знаев дека не знае да плива, почна да вика за помош, па се стрчаа луѓе и ја извадија“, вели пејачката.
Ова и бил втор развод, а кога се развела првиот пат, татко ѝ ја пречекал со пушка, бидејќи во тоа време било срам да се разведеш.
-Кога се разведов, се вратив кај моите. татко ми ме пречека со двоцевка, бидејќи тогаш беше срамота да се разведеш. некако го надминавме тоа, ми помогнаа, но за жал, Дејан тогаш му припадна на татко му. социјалните служби гледаа сè – каде работиш, каде живееш, со кого – па детето му го доделија на него – раскажала Зорица.
Вели дека била непланирано дете. – Јас ти бев родена без план. мајка ми полуде кога остана бремена. Сестра ми, која беше дваесет години постара од мене, тогаш се омажи и остана бремена во исто време. За мајка ми тоа беше голема срамота. Носеше вреќи, се мачеше, само да не ме роди, но ете, сум се родила … фала му на Бог што ме спаси, раскажала таа.
Инаку, Зорица е родена на 9 јуни 1959 година. Еден од нејзините најпознати хитови е „Лијте кише“. Таа има два сина од својот брак.