Во Собранието денеска ќе се одржи едукативната активност „Имам став“, наменета за ученици од средните училишта.
Според информациите од собраниската прес-служба, во активноста ќе учествуваат ученици од СОУ „Орце Николов“ од Скопје.
Едукативната програма „Имам став“ претставува симулација на постапката за разгледување предлог-закон во рамки на Собранието.
Целта на оваа активност е на младите поблиску да им се претстави работата на Собранието и процесот на донесување закони, со што се придонесува за развивање на нивната свест за демократијата, како и за поттикнување на нивната општествена и политичка ангажираност.