Времето во земјава денеска ќе биде претежно сончево со појава на мала до умерена локална облачност. Според синоптичарите, по одделни котлини ќе има услови за појава на магла, додека ќе дува слаб ветер од југоисточен правец.
Максималните температури денеска ќе се движат во интервал од 10 до 15 степени, додека минималните на места ќе се спуштат и до -3 степени.
Во Скопје се очекува слично време – сончево со умерена облачност и слаб југоисточен ветер. Во делови од скопската котлина во утринските часови ќе има услови за појава на магла. Температурата во главниот град ќе се движи од -1 до 15 степени.
Од УХМР најавуваат дека и во наредните денови продолжува периодот на стабилно и релативно топло време. Утрата ќе останат постудени, а по котлините е можна појава на слаба магла.