Албанската престолнина вечерва е сцена на жестоки судири меѓу опозицијата и полицијата. На 35-годишнината од падот на режимот на Енвер Хоџа, илјадници демонстранти излегоа на улиците барајќи оставка од премиерот Еди Рама, но протестот брзо ескалираше во насилство.
Демонстрантите фрлаа молотови коктели и пиротехника врз зградата на Владата, предизвикувајќи пожар на фасадата.
Специјалните единици употребија водни топови и солзавец за да ја потиснат толпата.
Поранешниот премиер Сали Бериша од говорницата порача дека ова е „битка за спасување на Албанија“ од корупцијата и кражбата.
Тензиите се префрлија и пред Собранието, каде полицијата повторно беше принудена да користи сила за да ги сопре обидите за упад.