Владата на Мицкоски директно им одзеде 40 милиони евра на земјоделците. Субвенциите ги намали од 140 на 100 милиони евра, обвинуваат од СДСМ.
Власта удри врз маката, трудот и егзистенцијата на илјадници земјоделски семејства кои произведуваат храна и ја одржуваат домашната економија.
Додека земјоделците се борат со зголемени трошоци, скапа нафта, ѓубрива и механизација, владата крати таму каде што најмногу боли – кај луѓето што работат и создаваат од македонската земја и сонце.
Зошто?
Да има повеќе пари за милионски тендери за фирмите блиски до власта, за однапред договорени јавни набавки преку кои се испумпуваат парите на граѓаните.
40 милиони евра помалку за земјоделците – тоа се 40 милиони евра повеќе за криминални тендери за тендер коалицијата ВМРО-ЗНАМ.
Дури и европските пари ги украдоа, поради што ИПАРД програмата беше суспендирана.
За оваа криминална власт приоритет не се луѓето, не се земјоделците, не се работниците, туку тендерите, стои во реакцијата на СДСМ.