Управата за хидрометеоролошки работи (УХМР) најавува период на променливо облачно време со повремени врнежи од дожд во наредните денови. На одредени места врнежите ќе бидат пообилни, додека на повисоките планински предели се очекува дожд да преминува во снег.
До недела ќе се задржат релативно високи температури за овој период од годината, под влијание на умерен до засилен јужен ветер.
„Ќе дува умерен, повремено засилен јужен ветер што ќе услови до недела релативно високи температури. Од недела попладне пак, ќе започне да дува северен ветер и температурите ќе бидат во опаѓање“, соопштуваат од УХМР.