По периодот на релативно стабилно време, Македонија влегува во фаза на променливи временски прилики. Управата за хидрометеоролошки работи најавува врнежи кои ќе започнат уште в недела, а поради продор на постудена воздушна маса, на многу места дождот ќе премине во снег.
Според УХМР, в недела претпладне ќе има локални врнежи од дожд, додека на планините во северозападните делови се очекува првиот нов снег. Понеделник носи поинтензивни врнежи, особено во југоисточните делови на земјата.
„Поради продорот на студениот бран, врнежите од дожд ќе почнат да преминуваат во снег и на некои од повисоките места“, информираат метеоролозите.