Министерот за внатрешни работи, Панче Тошковски, на денешната конститутивна седница на Националниот совет откри дека борбата против криминалот во 2025 година резултирала со огромен прилив во државната каса. Преку ефикасна конфискација на нелегално стекнат имот, во буџетот се слеале над 452 милиони денари.
„Ова е доказ дека системот функционира. Принципот ‘следи ги парите’ веќе не е исклучок, туку станува стандард во нашите истраги. Нашата порака е јасна – криминалот не е исплатлив“, истакна Тошковски.
Министерот нагласи дека во текот на изминатата година е забележан значителен раст на бројот на финансиски истраги, кои сега се составен дел од секоја истрага за тежок криминал. Според него, клучот за успехот е во идентификацијата и привременото замрзување на имотот уште во почетната фаза на постапката, со што се спречува негово прикривање.