Министерот за надворешни работи и надворешна трговија, Тимчо Муцунски денеска на маргините на Вториот министерски состанок на Балканската платформа за мир во Истанбул, оствари билатерална средба со својот турски колега – министерот за надворешни работи на Република Турција, Хакан Фидан.
„Разговаравме за билатералните односи, економската соработка и инвестициските можности, како и за продлабочувањето на соработката во повеќе области од заемен интерес“, истакна Муцунски во својата објава на Фејсбук.
Тој исто така посочи дека за време на средбата ја потврдиле одличната политичка соработка и традиционалното пријателство меѓу двете земји.
„Во разговорите го потврдивме и силното сојузништво во рамките на НАТО, како и заедничката заложба за стабилен и просперитетен регион, поддршката во регионалните иницијативи и мултилатералната соработка, додаде министерот.