Реката Пчиња кај селото Драгоманце денеска беше место на голема празнична радост. Средношколецот Матеј Стојановски од селото Младо Нагоричане е најсреќниот меѓу триесетина верници кои скокнаа во студените води по чесниот крст.
За својата храброст и среќа, Матеј беше награден со пригодни подароци од Општина Старо Нагоричане. Младиот Стојановски, кој со гордост го извади крстот, стана симбол на продолжување на вековната традиција во овој крај.