Русија уништи голем енергетски објект во украинскиот град Харкив, соопштија локалните власти, додека нападите врз енергетската инфраструктура и електроенергетската мрежа во Украина продолжуваат.
Градоначалникот на Харкив, Игор Терехов, преку апликацијата Телеграм информираше дека станува збор за сериозен удар врз енергетски објект, но не прецизираше за каков тип постројка станува збор. Тој нагласи дека итните служби се постојано ангажирани на терен.
Харкив, кој се наоѓа на околу 25 километри од руската граница, редовно е цел на напади со дронови, ракети и наведувани бомби од почетокот на војната. Конфликтот, кој започна во февруари 2022 година, следниот месец влегува во својата петта година.
Регионалниот гувернер на Харкивската област, Олех Синехубов, изјави дека надлежните служби сè уште се обидуваат да го проценат обемот на штетата предизвикана од најновиот напад.
Нападот се случува во период кога Русија ја продолжува офанзивата во Украина, и покрај засилениот меѓународен притисок, вклучително и од САД, за постигнување мирно решение.