Денешното судско рочиште против поранешната претседателка на ДКСК, Татјана Димитровска, е одложено на неодредено време. Причина за ова е што Апелацискиот суд сè уште нема донесено одлука кое обвинителство е надлежно да ја води постапката – дали тоа ќе биде Основното јавно обвинителство или ОЈО за гонење организиран криминал и корупција.
Одложувањето уследи по жалба на одбраната на обвинетата Билјана Петровска-Мантева, која во овој случај се товари за оддавање службена тајна. Самата Димитровска се соочува со обвиненија за две кривични дела:
- Оддавање службена тајна на поранешниот директор на ТЕЦ „Неготино“, Небојша Стојановиќ;
- Компјутерски фалсификат, односно дека ревизорот Миле Столевски во нејзино име полагал тест за безбедносен сертификат.
Адвокатот на Димитровска, Владимир Туфегџиќ, ги отфрла обвинувањата тврдејќи дека споделените информации биле јавно достапни. Од друга страна, Обвинителството тврди дека поседува цврсти докази, вклучително и анализа на 250.000 записи од мобилниот телефон на обвинетата. Новото рочиште е закажано за 18 февруари.