Граничниот премин Евзони денеска повторно ќе биде под блокада како дел од протестите на грчките земјоделци. Попладнево сообраќајот меѓу Македонија и Грција ќе биде во прекин неколку часа, што се очекува да создаде долги колони возила.
Блокадата се однесува на сите видови сообраќај, без исклучоци за патнички или товарни возила.
„Земјоделците најавуваат дека протестите ќе продолжат и во наредните денови доколку не добијат конкретни одговори и решенија од владата“, пренесуваат медиумите од терен.
На патниците им се препорачува да ја прилагодат својата насока на движење или да ги користат алтернативните премини, со оглед на тоа што прекинот на Евзони е најавен како почеток на нова фаза од земјоделските протести во Грција.