Македонскиот државјанин Стивен Ивановски, кој се водеше како исчезнат по катастрофалниот пожар во познатиот швајцарски зимски центар Кран Монтана, е пронајден мртов, пренесе Фокус.
Потрагата по Ивановски започна веднаш по избувнувањето на пожарот во барот „Ле Констелејшн“ (La Constellation), кога неговото семејство и пријателите упатија итен апел за каква било информација. Пожарот, кој ја потресе Швајцарија за време на новогодишната ноќ, однесе десетици животи и остави над стотина повредени.
По повод трагедијата се огласија и од дипломатското претставништво во земјава.
„На Нова Година, Швајцарија се разбуди со катастрофалната вест за пожар во бар во Кранс-Монтана, во кој загинаа неколку десетици лица, а над стотина повредени, од кои многумина сериозно. Додека жалиме за трагично загубените животи и оддаваме почит на напорите на првите одговори, нашите мисли се со семејствата на жртвите и повредените“, соопштија од швајцарската Амбасада во Македонија.
За роднините на настраданите и натаму е активна линијата за помош на телефонскиот број 0848 112 117.