Загрижувачки податоци пристигнаа од Универзитетската клиника за токсикологија по новогодишната ноќ. Во првите 12 часа од 2026 година, дури 13 малолетни лица побарале лекарска помош поради интоксикација, најверојатно од алкохол.
Најмладиот пациент примен на клиниката имал само 14 години.
Вкупниот биланс на Клиниката е 31 пациент, што значи дека речиси половина од случаите биле деца. Лекарите информираат дека најстариот пациент имал 44 години, што укажува дека „најлудата ноќ“ била најтешка за помладата популација. За среќа, нема посериозни компликации – сите 13 малолетници, како и останатите пациенти, се веќе пуштени на домашно лекување.
„Иако дел од токсиколошките анализи сè уште се во тек, најверојатната причина за приемите е алкохолна интоксикација“, велат од Клиниката. Добрата вест е што нема задржани лица на болничко лекување; сите пациенти по укажаната помош се пуштени дома.