Страшна несреќа се случи вечерва во атинската населба Калитеа, каде две лица загинаа во голем пожар кој избувна во станбена зграда. Телата на двајцата мажи биле пронајдени во стан на првиот кат, откако пожарникарите успеале да се пробијат низ пламените јазици.
Според првичните информации на грчките медиуми, на пожарот му претходела силна експлозија која ги вознемирила жителите во центарот на Атина. На терен веднаш интервенирале 15 пожарникари со пет возила и специјална опрема, кои по неколкучасовна борба успеале да го локализираат огнот.
Полицијата го блокираше сообраќајот во околните улици, а истрагата треба да ги утврди причините за експлозијата која се покажа кобна за двајцата мажи.