Јануари 2026 година ќе помине во знакот на студени утра и умерени дневни температури, со малку врнежи и подолги стабилни периоди. Според месечната прогноза, поголемиот дел од месецот ќе биде сув и сончев, со честа појава на утрински мраз, особено во котлините, а на самиот почеток на месецот постои веројатност за појава на снег, најпрво на планините, а повремено и во некои пониски предели.
На почетокот на јануари времето ќе биде претежно стабилно со сончеви интервали, а дневните температури ќе се движат од 4 до 7 степени, додека утринските ќе бидат под нулата. Краткотрајни врнежи се очекуваат во првите денови од месецот, при што поради ниските температури дел од врнежите може да бидат во форма на снег.
Во средината на јануари следува постуден период со повеќе облачност и пониски минимални температури, кои на некои места ќе се спуштат и до минус 7 степени. Дневните температури во овој период ќе се движат од 1 до 4 степени, а врнежите ќе бидат ретки и слаби, без услови за формирање позначајна снежна покривка во пониските делови од земјата.
Втората половина од месецот ќе донесе променливо облачно време со повремени врнежи, најизразени околу 19 и 20 јануари. Температурите ќе останат ниски, со утрински мраз и дневни вредности од 2 до 4 степени.
Кон крајот на јануари се очекува благо затоплување, при што дневните температури на некои места ќе достигнат и до 8 степени. Повремени врнежи се можни околу 29 и 30 јануари, додека самиот крај на месецот ќе биде претежно сув и стабилен.