Грчките земјоделци продолжуваат со секојдневните блокади на граничните премини. Денеска, како и во изминатите денови, Евзони ќе биде целосно затворен во периодот од 18:00 до 22:00 часот по македонско време (односно од 19 до 23 часот по грчко време).
Блокадата се однесува на сите возила – патнички и товарни, со исклучок на итните медицински случаи. На терен се веќе 19 дена со над 300 трактори, а земјоделците најавуваат уште поголемо заострување на протестите.