Денешниот ден ќе биде одбележан со сончево време и мала до умерена облачност, соопштуваат од Управата за хидрометеоролошки работи (УХМР).
Сепак, во утринските часови на одредени места се очекува појава на магла. Ќе дува слаб до умерен ветер, претежно од северозападен правец.
Минималните температури ќе се движат во интервал од -6 до 0 степени Целзиусови, додека дневната максимална температура ќе достигне меѓу 9 и 13 степени.
Во главниот град, претпладне се очекува појава на магла во делови од котлината. Во текот на денот ќе преовладува сончево и претежно тивко време. Минималната температура ќе се спушти до -5 степени, а максималната ќе достигне до 9 степени.
Според информациите од УХМР, стабилното и сончево време ќе продолжи до крајот на неделата.
„До крајот на неделата времето ќе биде сончево и претежно тивко. Во утринските и ноќните часови на одредени места ќе има појава на магла. Максималната температура ќе биде над просекот за овој период од годината“, информира УХМР.