Украинскиот претседател Володимир Зеленски денеска нагласи дека секаков компромис меѓу Украина и Русија во врска со контролата врз нејзините источни региони мора да биде „праведен“ и потврден на „избори“ или „референдум“.
– Верувам дека на тоа прашање одговор ќе даде украинскиот народ. Било преку избори или референдум, тоа мора да биде став кој произлегол од украинскиот народ, рече Зеленски одговарајќи на новинарско прашање за постигнување договор со Москва.
Украинскиот претседател потврди дека САД му предложиле на Киев да се повлече од областа што сè уште ја контролира во регионот Доњецк и да создаде „слободна економска“ и демилитаризирана зона на тоа место, без присуство на руски сили.
Зеленски рече дека американската страна сè уште „не знае“ кој би управувал со таа демилитаризирана зона.
Тој додаде дека Вашингтон предлага повлекување на руската војска од украинските региони Суми, Харков и Дњепропетровск, но и нивно останување во регионите Херсон и Запорожје.