Словенечката полиција објави дека крадци во градот Драгомер украле сеф од 300 килограми од приватен дом, но дека четворица од петте крадци се уапсени.
Сторителите се словенечки државјани од Ново Место, на возраст од 22 до 29 години, соопшти полицијата во соопштението, додавајќи дека тоа се случило на 26 ноември, според порталот 24UR.
Се додава дека сефот содржел неколку предмети со голема вредност, и дека крадците го деактивирале сензорското осветлување за време на грабежот и влегле во куќата низ прозорец на приземјето.
Содржината на сефот наводно била испразнета, а сефот бил запален и оставен во шумата во близина на Вишња Гора, скриен меѓу гранките. Петтиот сторител сè уште се бара.