Јазикот и писменоста се највредното наследство кое мораме да го чуваме и унапредуваме, истакна премиерот Христијан Мицкоски, упатувајќи честитки до граѓаните за денот на Свети Климент Охридски.
Во својата порака, премиерот потсети на важноста на духовноста и просветителството.
„Овој ден не потсетува на важноста да го зачуваме и унапредуваме она што ни е оставено како највредно наследство јазикот и писменоста“, рече Мицкоски.
Тој додаде дека патот кон напредокот води преку знаењето.
„Делото на овој голем просветител претставува трајна вредност и инспирација за неговата посветеност кон знаењето, духовноста и развојот на писменоста… Да продолжиме да градиме силно општество преку вложување во младите, во знаењето и во културното богатство што не обединува“, порача премиерот.