Под влијание на висок воздушен притисок, во текот на наредната седмица времето ќе биде стабилно и релативно топло, соопштуваат од Управата за хидрометеоролошки работи (УХМР).
Од таму информираат дека во претпладневните и вечерните часови во одделни котлини ќе има појава на магла, каде температурите ќе останат пониски.
Денеска ќе преовладува облачно време со повремен локален дожд, а попладне облачноста ќе се намалува. Ќе дува слаб до умерен ветер, а долж Повардарието и во источните делови повремено ќе засилува од северен правец. Максималните дневни температури ќе достигнат од 9 до 13 степени.
Во Скопје ќе биде облачно, со можен слаб дожд претпладне. Ќе дува слаб до умерен, а локално и засилен северен ветер.