Горан Агелов Ќосето по цели 8 години минати зад решетки за 27 април, доби слобода. Тој за МКД.мк ја потврди информацијата и вели дека добил условен отпус, откако одлежал две третини од казната, односно 8 од вкупно 11 години. Поради низа здравствени проблеми тој неколку пати добиваше прекин на издржување на затворската казна, па повторно беше враќан зад решетки. Тој е првиот што доби условен отпус од оваа постапка за која сите обвинети тврдеа дека е политички монтиран процес, пишува мкд.мк.
Од првото судење па се до денес тврди дека не е винововен за кривичното дело терористичко загрозување на уставниот поредок и безбедноста, а вели дека најголема болка е кога не сте виновен, а ви велат дека сте терорист.