Од Националниот парк Шар Планина објавија видео на кое се гледа како кафеава мечка со нејзините деца се шета на планината.
Кафеавата мечка е еден од највпечатливите и најзначајни видови на Шар Планина. Овој сештојад вид се храни со растенија, плодови, инсекти, како и со мали и поголеми животни. Како строго заштитен вид, мечката има суштинска улога во одржувањето на природната рамнотежа во нашиот национален парк и пошироко на Балканот.
Во видеото што го споделуваме, планинари на високопланинските пасишта среќаваат мечка со две мечиња, родени во јануари–февруари 2025 година. Малечките во следните две години ќе учат од својата мајка како да преживуваат и се приспособуваат во дивината. Во видеото тие се љубопитни, но се оддалечуваат од луѓето, избегнуваат средба – типично однесување за мечки, стои во објавата на ФБ.
Видеото што го споделуваме е прекрасен потсетник дека кафеавата мечка е вреден, редок и строго заштитен вид на Шар Планина. Да ја почитуваме, да и оставиме простор и да придонесеме сите за безбедноста и на природата и на луѓето, стои во објавата на ФБ.