Со потписот на претседателот Доналд Трамп на законот за финансирање, официјално заврши најдолгата блокада на федералната влада во историјата на САД. Блокадата траеше 43 дена и остави стотици илјади федерални службеници без плата, предизвикувајќи сериозни нарушувања во работењето на јавните служби и институции.
Усвоениот закон овозможува повторно функционирање на администрацијата, но станува збор за привремено решение кое ќе важи до крајот на јануари следната година. Трамп по потпишувањето изјави дека со ова чекор власта се враќа на нормално работење и најави продолжување на напорите за намалување на трошоците за живот, подобрување на јавната безбедност и зајакнување на економијата.
Иако блокадата е завршена, политичката неизвесност околу финансирањето на федералната влада останува, со оглед на тоа што преговорите меѓу Белата куќа и Конгресот допрва треба да продолжат за трајно решение.