Видеоснимки од синоќешниот концерт на Светлана Ражнатовиќ – Цеца во Велес, што се шират на социјалните мрежи, покажуваат инцидент што предизвика револт кај публиката.
На снимките се гледа како српската пејачка, додека е на бината во СЦ „Гемиџии“, подигнува бугарско национално знаме и го става врз себе.
Публиката веднаш реагирала со гласно исвиркување и негодување.
Потегот се чини ја збунил и самата пејачка, откако до неа пристапил најверојатно нејзин соработник и ѝ сугерирал да го тргне знамето. Откако го направила тоа, таа се обидела да ја смири ситуацијата.
СКАНДАЛ во Велес: Цеца го разви бугарското знаме pic.twitter.com/EIR8rFAkEK
— Булевар.мк (@bulevarmk) October 31, 2025
Во обид да ги смири реакциите, Ражнатовиќ подоцна на бината го подигнала и македонското знаме.
Организаторите на настанот и тимот на пејачката сѐ уште не се огласиле во врска со инцидентот.