Канцеларијата на Народниот правобранител ќе обезбеди бесплатна телефонска линија 0800-54321 преку која граѓаните ќе можат да пријават евентуални повреди на избирачкото право на денот на вториот круг од Локалните избори – недела, 2 ноември, во периодот од 7:00 до 19:00 часот.
Покрај главната канцеларија во Скопје, отворени за јавноста ќе бидат и подрачните канцеларии на Народниот правобранител во Битола, Кичево, Куманово, Штип, Струмица и Тетово, со цел навремена помош при остварување и заштита на избирачките права.
Граѓаните, освен на бесплатната линија, можат да се обратат и директно во подрачните канцеларии на следните телефонски броеви:
? Тетово: 044 344-082
? Кичево: 045 228-586
? Битола: 047 242-310
? Куманово: 031 431-488
? Струмица: 034 329-996
? Штип: 032 389-700
Од институцијата информираат дека Народниот правобранител ќе реагира со итни мерки, за да обезбеди ефективно постапување од страна на надлежните органи и институции задолжени за спроведување на изборниот процес.
Во соопштението се потенцира дека избирачкото право е уставно загарантирано и се остварува на слободни избори со тајно гласање, како и дека никој не смее да биде повикан на одговорност заради користење на ова право.
„Повредата на слободата на определувањето на избирачите и другите повреди на избирачкото право се казниви дела“, се наведува во апелот на Народниот правобранител, кој повика сите чинители во изборниот процес да ги почитуваат здравствените протоколи и процедурите за гласање.