Коалицијата ВЛЕН во своето најново соопштение порача дека вториот круг на локалните избори на 2 ноември ќе биде ден кога Албанците ќе ја потврдат својата одлука за промени и нова политичка енергија.
„Победата на 19 октомври беше голема пресвртница во албанските општини. Од Чаир и Сарај, до Арачиново, Желино и Теарце, Албанците зборуваа со еден глас – гласот што избра надеж и работа наместо измама,“ се вели во соопштението.
Од ВЛЕН додаваат дека духот на промените расте секојдневно, од Тетово до Дебар, од Боговиње до Брвеница, од Струга до Студеничани и до Долнени, а дека на 2 ноември Албанците ќе го запечатат новото политичко поглавје со гордост и доверба.
Во партиската реакција се посочува дека кандидатите на коалицијата се симбол на новиот политички менталитет и чесно управување.
„Во Тетово, Билал Касами е пример за лидерство со мисија. Во Боговиње, архитектот Фети Абази ги поставува темелите на нова политика. Во Брвеница, Хаќим Рамадани ги освојува срцата на луѓето со едноставност и чесност. Во Дебар, Фисник Мела го носи духот на граѓанството и политиката со карактер. Во Струга, Менди Ќира го обединува градот со смиреност и доверба. Во Студеничане, Азем Садику отелотворува искуство и блискост со луѓето. Во Долнени, Блерим Ислами ги инспирира младите дека времето на надеж е сега,“ се наведува во соопштението.
Од коалицијата порачуваат дека „Албанците го кажаа својот збор, и тој збор ВЛЕН“, додавајќи дека на 2 ноември гласот за број 7 ќе се слушне погласно од кога било.