Момче (16), млад џудист на Партизан, почина на самото место во тешка сообраќајна несреќа што се случи синоќа на патот Нови Сад – Белград. Трагедијата се случи кога возачот на комбето од непозната причина ја изгубил контролата врз возилото и излетал од патот, ја пробил заштитната ограда и се превртел.
Како што соопшти Спортскиот центар Војводина, кој ги примил повредените – возачот на комбето има сериозни повреди, а 7 момчиња се примени на операција, две се на интензивна нега.
Како што соопшти Министерството за внатрешни работи, млади спортисти на возраст од 13 до 16 години, членови на џудо клубот Партизан, се враќале од меѓународен спортски камп и натпревар во Азербејџан.
Неофицијално, автомобилот со девојките бил пред комбето што ги превезувало момчињата. Групата млади спортисти со возачи и тренери направила пауза само неколку минути пред несреќата. Според очевидци, возачот бил одморен. Сè уште не е познато зошто возачот ја изгубил контролата и излетал од патот, објави Телеграф.
Младите џудисти освоија четири медали на натпреварот во Азербејџан и забележаа одличен резултат.
Соопштение на Министерството за внатрешни работи
На државен пат од прва класа А, во правец Нови Сад – Белград, утрово околу 03:47 часот се случила сообраќајна несреќа во која едно лице загинало, а неколку лица се повредени.
Според досегашните информации, од причини кои засега се неутврдени, се превртел комбе „Опел Виваро“ со белградски регистарски таблички, управувано од С. С. (43).
Возилото превезувало осум малолетни патници на возраст од 13 до 16 години, членови на џудо клубот „Партизан“ од Белград, кои се враќале од меѓународен спортски камп и натпревар во Азербејџан.
Еден малолетен патник, на возраст од 16 години, починал на самото место, додека осум лица, вклучувајќи го и возачот, биле пренесени во Клиничкиот центар Војводина во Нови Сад со повреди од различен степен. Со алкотест е утврдено дека возачот на комбито не бил под дејство на алкохол. На местото на настанот се води истрага, по наредба на надлежен јавен обвинител.