Гледам една огромна, насобрана желба. Ја гледам решителноста на Скопје да се издигне од калта и апатијата, да се избори со сите предизвици и сите препреки. Да биде градот кој ќе биде сигурна иднина за нашите млади, но и спокојно и пријатно место за нашите постари. Ќе биде достоинствен дом за сите нас заедно, бидејќи и мојот син, расте тука- во нашето Скопје!
Ова вечерва на митингот во Скопје го истакна кандидатот за градоначалник на главниот град од ВМРО-ДПМНЕ, Орце Ѓорѓиевски.
Тој истакна дека Општина Кисела Вода стана пример и доказ дека кога има визија и работа, може да се успее.
-Тоа искуство, тоа наследство, таа енергија сега ја носам во Скопје. Имам кредибилитет и докажана работа зад мене. Имам биографија на исполнети ветувања и задоволни граѓани на мојата општина Кисела Вода. Тоа можеби на некој му звучи како неважно, но е потврда дека Скопје ќе биде во раце на човек кој докажал дека знае да работи, знае да соработува, да ги сослуша граѓаните и да им се најде за секој проблем. Јас не сум функционер, ниту пак сум имал кабинет со затворени врати. Јас се трудам да останам човек во секој поминат ден како градоначалник на Општина Кисела Вода. Затоа денес повторно ви велам. Јас сум Орце, Јас сум прво човек, па дури потоа градоначалник, посочува Ѓорѓиевски.
Тој истакна дека Скопје денес се соочува со големи предизвици меѓу кои загадениот водух, сообраќајниот метеж, дивите депонии, јавниот превоз кој е на работ на колапс.
-Ја слушам Јована, мајката од Аеродром која се грижи за безбедноста на своите деца, и на училиште и во сообраќајот. Го гледам Беким, сопственикот на мал бизнис од Чаир кој губи време и нерви барајќи паркинг. Ја чувствувам нетрпеливоста на младиот Никола од Радишани, кој чека автобус што повторно доцни. Го гледам и средношколецот од Волково кој мисли дека нема еднакви образовни услови како своите врсници. Знам дека многумина од вас се чувствуваат заборавено. Дека има граѓани од Сарај, Шуто Оризари, Ѓорче Петров или Ченто кои велат: „Ние не сме третирани еднакво“. Е, тоа време завршува! Јас знам едно: овие проблеми не се посилни од нас. Тие се тест за нашата решителност. А ние имаме сила, имаме волја и имаме план, потенцираше Ѓорѓиевски на вечерашниот митинг во спортскиот центар „Јане Сандански