СДСМ: ВМРО-ДПМНЕ лаже, хајката против коридорите и Бехтел им издиша
Издиша хајката на ВМРО-ДПМНЕ против најголемиот инфраструктурен проект во државата за изградба на коридорите 8 и 10-д и против реномираната компанија Бехтел, велат од партијата на власт.
Не е точно, додаваат од СДСМ, дека договорот предвидува пенали, бидејќи нема нови ВМРО-ДПМНЕ штанца стари лаги.
„Со посебен закон и со поскап договор конзорциумот „Бехтел и Енка“ гради и во Србија, каде што веќе е пуштен во употреба дел од автопатот.
Партијата предводена од Христијан Мицкоски е последната која може да зборува за изградба на автопати, затоа што ВМРО-ДПМНЕ е симбол за провизии и промашени проекти, како што е автопатот Кичево-Охрид.
ВМРО-ДПМНЕ со хајката само потврдува дека е против стратешкиот проект за изградба на коридорите, а во заложништво на Левица и против американската компанија“, се истакнува во нивното соопштение.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
