При акција на полицијата во Арачиново, пронајдена и одземена дрога

 Единицата за недозволена трговија со дрога при Одделот за сузбивање на организиран  и сериозен криминал  вчера при претрес во Арачиново пронајде и одзеде марихуана.

По претходно добиени оперативни информации и наредба за претрес од Основниот кривичен суд Скопје, извршен е претрес во домот на Б.А (33) и други простории во  с. Арачиново.

Пронајдената марихуана е предадена на вештачење и се преземаат дополнителни мерки и активности за расчистување на случајот.