Војниците кои се враќаат од мисии во странство ќе бидат во карантин
Припадниците на Армијата на Република Северна Македонија кои се враќаат од мировни мисии и вежбовни активности во странски држави ќе бидат спроведени во карантин во објектите и касарните, одлучи Владата на денешната 30-та седница.
Владата на денешната седница, исто така, го разгледа и усвои записникот од Дванаесеттиот состанок на Главниот координативен кризен штаб за обезбедување на целосна координација во врска со спречување на внесување и ширење на коронавирусот.
Седум припадници на Армијата кои се дел од НАТО мисијата „Одлучна поддршка“ во Авганистан се враќаат во земјава. Како што соопшти вчера Министерството за одбрана нивното враќање ќе се реализира со специјален лет на хрватската компанија „Croatia Airlines“ организиран од Владата на Република Хрватска со цел враќање на нивните 11 припадници во меѓународната мисија во Авганистан.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
