Портпаролот на Стејт департментот преку видео порака посака добредојде на Македонија во НАТО
„Северна“ Македонија покажа цврсти заложби за трансатлантската заедница и кон нејзините заеднички вредности и безбедност, изјави портпаролката на Стејт департмент Морган Ортагус, посакувајќи ѝ добредојде на нашата земја во НАТО.
Таа им го честиташе на македонските граѓани овој значен момент.
-„Северна“ Македонија испрати речиси 4.000 војници во операциите на НАТО од 2002 година. Овие трупи се борат заедно со Американците во Ирак и Авганистан, и придонесуваат во коалицијата што го порази калифатот на Исламската држава, рече таа во видео порака.
Додаде дека државниот секретар Помпео при посетата на државата минатата есен изјавил дека „иднината им припаѓа на суверените и независни држави, кои ги штитат нивните граѓани, ги почитуваат нивните соседи и ги ценат разликите што секоја земја ја прават специфична и уникатна. САД остануваат цврсто посветени на Членот 5 на НАТО и ќе останат да партнери на Македонија, за безбедноста и просперитетот на нејзините граѓани, регионот и на светот“.
We welcome our 30th Ally, the Republic of North Macedonia, into the @NATO Alliance. North Macedonia has clearly demonstrated its commitment to the Transatlantic community and our shared values and security, and we congratulate its citizens on this momentous occasion. pic.twitter.com/QIOzfkHXJh
— Morgan Ortagus (@statedeptspox) March 27, 2020
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа