Артилериска стрелба по повод членството во НАТО

Со чинот на истрелување на шест плотуни од артилериски орудија на артилерискиот баталјон на Армијата од касарната ,,Илинден“ во Скопје, на симболичен начин се означи официјалното пристапување на Република „Северна“ Македонија во НАТО како нејзина триесетта полноправна членка, велат од Генералштабот на Армијата.

Истрелувањето на артилериските плотуни се изврши веднаш по депонирањето на пристапниот протокол во Стејт Департментот, кој беше финалниот акт за формализирање на полноправното членство во НАТО, со што се целосно се оствари оваа стратегиска определба на Македонија.