Излегле надвор од својот дом: Кичевчанец и охриѓанец не ја почитувале наредбата за самоизолација
Охриѓанец и кичевчанец кои потпишале изјава за самоизолација добиле кривична пријава откако не биле пронајдени во нивните домови, информира МВР.
СВР Охрид поднесе кривична пријава против 61-годишниот Т.Ц. од Охрид, поради постоење основи на сомнение за сторено кривично дело „непостапување според здравствените прописи за време на епидемија“. На 21.03.2020 во 13:00 часот на ул.,,7 Ноември“ во Охрид, полициски службеници при извршена проверка не го пронашле Т.Ц. на пријавената адреса, иако потпишал изјава за самоизолација од 14 дена и примил писмена наредба издадена од Министерството за здравство.
Надворешната канцеларија за криминалистички работи Кичево поднесе кривична пријава против 46-годишниот Б.С. од Кичево, поради постоење основи на сомнение за сторено кривично дело „непостапување според здравствените прописи за време на епидемија“. На 15.03.2020 во 07:57 часот пријавениот, остварил влез од Р.Австрија на Граничен премин Меѓународен Аеродром Скопје, а на 24.03.2020 околу 15:45 часот, на ул.„Партизански одреди“ во Кичево, при проверка од полициски службеници во неговиот дом, било констатирано дека иако на 17.03.2020 потпишал изјава за самоизолација од 14 дена и примил писмена наредба од Министерство за здравство, Б.С. не се придржувал на изречените мерки.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа