Се искршија три возила - Едно лице тешко повредено во Скопје
Едно лице е тешко повредено откако три возила се исскршиле во Скопје.
На улицата „Лука Геров“ се случила сообраќајна незгода помеѓу патничко моторно возило „ауди А4“, со скопски регистарски ознаки, управувано од 43-годишниот И.К. од Скопје, патничко моторно возило „мерцедес“, со скопски регистарски ознаки, управувано од 34-годишниот М.М. од Скопје и патничко моторно возило „фиат линеа“, со скопски регистарски ознаки управувано од 44-годишниот Ј.П. од Скопје.
Во незгодата било удрено и паркирано патничко моторно возило „цитроен“, со гостиварски регистарски ознаки, паркирано од Ј.Т.(44) од селото Битуше.
Во незгодата со тешки телесни повреди се здобил возачот И.К. и бил пренесен во Комплексот клиники „Мајка Тереза“ за укажување на лекарска помош.
Извршен бил увид на местото на настанот од екипа од СВР Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
