Тешка несреќа на патот Битола-Ресен: Три лица повредени
Три лица се здобиле со повреди при сообраќајна несреќа која се случила во Битола, информира МВР.
„Вчера во 14:15 часот во СВР Битола било пријавено дека на крстосница од магистралниот пат Битола-Ресен со регионалниот пат Макази-Маркова Нога, се случила сообраќајна незгода помеѓу патничко возило „голф 3“ со охридски регистарски ознаки, управувано од 35-годишниот К.С. од село Лескоец,охридско и патничко возило „сеат толедо“ со ресенски регистарски ознаки, управувано од 28-годишниот Г.Г. од Ресен.
Во незгодата со тешки телесни повреди се здобиле К.С., неговата сопатничка М.С.(31) од село Лескоец,охридско и сопатничката во патничкото возило „сеат “, Н.Ц.(28) од село Царев Двор,ресенско кои се пренесени во Клиничкиот центар во Битола за укажување на лекарска помош. За настанот бил известен јавен обвинител, а увид на местото на настанот извршила екипа од СВР Битола“, соопштуваат од МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа