Уапсен убиецот - Детали за крвавото убиство во Гостивар
Уапсен гостиварчанецот кој вчера уби жена, а се обиде да убие и уште две лица во Гостивар, поради паричен долг.
СВР Тетово поднесе кривична пријава против 46-годишниот Ѓ.Д. кој се сомничи за кривични дела „убиство“ и „убиство во обид“. Тој е лишен од слобода вчера во 5.40 часот по преземени мерки и активности од полициски службеници од Полицијата во Гостивар.
По 3 часот во стан во зграда на улицата Илинденска во Гостивар со употреба на нож ја усмртил 78-годишната С.Т. и се обидел да ги усмрти и 54-годишниот С.Р. и 60-годишниот Б.Р. поради наводен паричен долг од Б.Р.
По преземени мерки и активности, Ѓ.Д. е лишен од слобода од страна полициски службеници.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа