Тешка несреќа во кичевско: Возило излета од патот

Жена се здобила со тешки телесни повреди при сообраќајна несреќа во кичевско, информира МВР. Вчера во 18:40 часот на локалниот пат за село Грешница-кичевско патничко моторно возило „Опел астра“ со кичевски регистарски ознаки, управувано од 74-годишниот Н.Р. од истото село, излетало од патот.

Во незгодата со тешки телесни повреди се здобила сопатничката З.Р.(75) од село Грешница, по што била пренесена во Медицинскиот центар во Кичево. Увид на местото на настанот извршила увидна екипа од Полициската станица Кичево.