Заев: Брат ми има душа повредена и затоа го тужи Николоски

Премерот Зоран Заев во „Печат на неделата“ на 1ТВ одговарајќи на новинарско прашање дали знаел дека неговиот брат Вице Заев го тужи потпретседателот на ВМРО-ДПМНЕ Александар Николоски само затоа што кажал дека Вице Заев има 30 фирми и е економски фактор во државата, посочи дека тој со неговиот брат Вице Заев не се гледа многу често поради обврските во Скопје и дека не знаел.

- Немав поима еве да ви кажам искрено ви зборам. Внатре има обвинувања за криминал, обвинувања за местенки, има обвинувања за влијание врз одредени работи. Чесно зборам секој пат. Има душа повредена и ми објаснува извини бе човек терај си ти по својот пат, терај си во својата политика, немав право во фондот да конкурирам, кога бев во опозиција немав право ништо, сега немам право да работам, извинете ќе тужам, вели Заев.